Një djalë i ri, Donson, i lindur në një familje të fortësh me mbiemrin Koul, duket se është i destinuar që në fillim që të ecë në rrugën e jetës së të parëve të tij në qytezën Oriental. Por ja që gjaku i së ëmës (edhe pse e braktisi që foshnje) kishte më shumë ndikim se ai atëror. Ai nuk është i dhunshëm, mëson dhe është i pari i klasës, edhe pse bën të pamundurën që familjarët e tij të mos e mësojnë këtë fakt, aq më shumë i ati dhe kushërinjtë e tij të tmerrshëm. Ai i pret me qetësi goditjet e të atit të dehur, me bindjen që kur të rritej dhe të kishte mundësi të ndeshej me të kjo nuk do të ndodhte më. Kështu, kur arriti moshën 16 vjeç, Donson tashmë ishte fizikisht më i fortë se babai. Mund ta përballonte atë. Dhe kur ai i ktheu dorë, vendosi ta braktiste përfundimisht shtëpinë. E gjen veten në garazhin e një plaku të vetmuar, plakut Tuk. Në skenë del një vajzë, më e bukura e qytezës së tyre, Amanda Kolie, që ashtu si ai vendos të dalë kundër rrymës, kundër traditës familjare e të dashurojë djaloshin. Një dashuri rinore, pasionante që kundërshtimet e të tjerëve e bëjnë edhe më të fortë. Por dashuria e vërtetë do të thotë ta duash tjetrin më shumë se veten, kështu që djaloshi Donson e lë Amandën të vazhdojë jetën e saj, të shkollë në kolegj e të bëhet dikush...