Balena e fuqishme kishte marrë me vete edhe katër balena të tjera të besuara, ngjyrë trëndafili. Megara lëvizi kokën dhe hodhi lart një curril uji fluoreshent, të cilit Maksi në shenjë përshëndetjeje iu përgjigj me një përkulje të lehtë: - Unë dhe Nina do të hipim në zhpinën e Megarëz, kurze secili prej juzh në një nga balenat. Keni për ta parë ze za fantaztike do të jetë fluturimi-notim në Univerzin Alkimik, - u tha androidi, duke kërcyer mbi turirin e së ëmblës balenë të bardhë. Kënga e dallëndysheve e lumturoi edhe më tepër udhëtimin fantastik që po nisnin alkimistët e rinj."