BOTIMET KOHA sjell rrëfimet më të plota jetësore të personave që me angazhimin e tyre të drejtpërdrejtë, nga pozicionet e ndryshme vepruese, kanë vendosur për trajektoret e themelimit të një shteti. A ishte e gatshme Shqipëria ta mbrojë ushtarakisht Kosovën gjatë viteve ’80; si koordinoheshin funksionarët komunistë me alternativën politike kosovare; si u organizua sistemi paralel i shtetit; kur dhe si u vendosën vijat e kuqe të Perëndimit; kush i organizoi stërvitjet e para luftarake në Shqipëri; kush e nisi luftën dhe me çka; kush e përkrahu dhe kush e sabotoi; çka ishte vërtet FARK-u e çka Shtabi i Përgjithshëm;si u shmang vëllavrasja gjatë luftës; cilët ishin kompromiset e pavarësisë së shpallur?“Rrëfime të përpjekjes”, nga Adriatik Kelmendi, që të mos harrojmë prej nga jemi nisur, që ta dimë se ku duhet të arrijmë.