Botimet KOHA sjell "Ditari i Murtajës me Kurorë" - Veton Surroi

48 ditë karantine shkaktuar nga virusi korona "frymëzuan" autorin që në librin e tij të 12-të të përshkruajë ballafaqimin e Kosovës, si pjesë e vogël e botës, me krizën më të madhe që ka vuajtur globi që nga fundi i Luftës së Dytë Botërore.

Mes rrëfimesh kujtese, analize politike dhe përshkrimesh drame që e përjeton Kosova në mes të pandemisë, vepra më e re e Surroit është një përshkrim i jashtëzakonshëm i problemeve me të cilat ballafaqohet shteti Kosovar, i gjendur në udhëkryq për faj të një udhëheqjeje ambicioze e të paaftë dhe për shkak të interesave personalë që e mbisundojnë interesin e përgjithshëm.