Djemtë, me të cilët ai shoqërohet janë më të sofistikuar se ai, dhe ata e futën në botën e alkoolit dhe prostitucionit. Klajdit i pëlqen mënyra e re e jetesës dhe bën gjithçka për të fituar afrimitetin e Hortens Brigsit. Por jeta e Klajdit ndryshon përgjithnjë kur makina e vjedhur, me të cilën ai udhëton, vret një fëmijë. Klajdi largohet nga Kansas City dhe pas një qëndrimi të shkurtër në Çikago, ai vendoset në Likurgus, në Nju Jork, ku nis punë si mbikqyrës në një fabrikë kollaresh, e cila ishte në pronësi të xhaxhait të tij.Klajdi tërhiqet nga Roberta Alden, e cila punon në fabrikë dhe është nën mbikqyrjen direkte të tij. Roberta është e varfër dhe e pafajshme. Ajo bie në dahuri me të. Fillimisht, Klajdit i pëlqen lidhja e fshehtë (e ndaluar nga rregullat e fabrikës) dhe e bind Robertën që të kryejë marrëdhënie seksuale me të, por ai nuk ka ndërmend të martohet me të varfrën Roberta.Në vend të saj, ai ëndërron për eleganten Sondra Finçli, e bija e një e njeriu të pasur dhe mik i xhaxhait të tij. Roberta është shtatzanë dhe Klajdi dëshiron që ajo të abortojë. Roberta pret që ata të martohen, por ai gjithnjë e shtyn për më vonë. Ndërkohë, lidhja e tij me Sondrën vazhdon dhe bëhet më e fortë. Kur ai merr vesh se ka një shans të vogël për t'u martuar me Sondran, dhe pasi Roberta e kërcënon se nqse ata nuk martohen, do të tregojë rreth marrëdhënies së tyre, Klajdi mendon ta vrasë Robertën, por në mënyrë që të duket si aksident.