IMMAX sjell në treg orën e mençur e cila përveç se mund të kryej funskione të ndryshme mund të përdoret edhe si një celular. Me këtë orë ju mund të dëgjoni muzikë, të përgjigjeni në telefonata, të dërgoni mesazhe e e-mail, të incizoni zë, të monitoroni aktivitetin tuaj ditor, kaloritë e djegura, rrahjet e zemrëse dhe hapat e bërë gjatë gjithë ditës.Kjo orë mund të sinkronizohet me celular me sisteme operative Android dhe iOS, por që mund të lidhet edhe përmes teknologjisë Wi-Fi dhe Bluetooth. Si pjesë përbërëse kjo orë ka një ekran 1.33" me rezolucion 360 x 360 piksel nën së cilin gjendet një procesor katër bërthamësh MediaTek MTK6580 i cili operon në frekuencë 1.3GHz, të kombinuar me memorie RAM 512MB. Ora, poashtu, ka marrës GPS, kamerë 3MP dhe memorie të brendshme 8GB (vetëm kur përdoret me pajsije Android). Veçanti e kësaj ore është edhe përdorimi sikurse një celular sepse ka një port për kartë SIM, por në rast të përdorimit si celular, ju duhet të përdorni edhe kartë memorie në mënyrë që të instaloni aplikacionet e nevojshme. Dimenzionet e kësaj ore janë 43.5 x 40 x 11.8 mm dhe peshon 78g.