From Pitch to Punch – 69 Këshilla për një Ti më të Fortë” është një udhërrëfyes i krijuar me zemër dhe përvojë personale nga një autore e re, që ndan me ju 69 këshilla jetësore, të cilat kanë ndikuar thellësisht në zhvillimin e saj personal dhe profesional.

Në çdo kapitull do të gjeni një pjesë nga jeta e përditshme – situata që mund t’i keni përjetuar edhe vetë. Pikërisht aty qëndron forca e këtij libri: ai është real, i sinqertë dhe i mbushur me frymëzim. Çdo këshillë është një dorë ndihme për të kaluar sfidat, për të gjetur qëndrueshmëri shpirtërore dhe për të ndërtuar një version më të fortë të vetes suaj.

Ky libër nuk është thjesht një udhëzues për vetëzhvillim – ai është edhe një mision human. Me çdo kopje të shitur, ju kontribuoni drejtpërdrejt për organizatën jo-fitimprurëse NGO Cocat në Kosovë, e cila angazhohet me pasion për sensibilizimin ndaj kancerit të gjirit. Pra, përveçse pasuroheni me njohuri dhe motivim, bëheni pjesë e një nisme që ndryshon jetë.

Librin mund ta shihni si mikun tuaj të përditshëm – një mbështetje e heshtur, por e fuqishme në çdo fazë të jetës. Sepse ndryshimi fillon brenda nesh.