Qëllimi i këtij publikimi është trajtimi i disa koncepteve themelore, përmes të cilave shtjellohen dhe analizohen aspektet përmbajtjesore, që lidhen me integrimin e tregut në Ballkanin Perëndimor. Në këtë aspekt, ky dokument synon të elaborojë çështjet që lidhen me fushën e tregtisë për Ballkanin Perëndimor, gjithnjë në kuadër të integrimit evropian. Në materialin në vazhdim synoj që të ofroj një pasqyrë të mendimeve, të pikëpamjeve dhe të vlerësimeve, siç janë paraqitur nga raportet e ndryshme dhe materiale të tjera të prodhuara nga institucionet e Kosovës: të Qeverisë, shoqatave të biznesit, organizatave të shoqërisë civile, Bashkimit Evropian, si dhe projektet e donatorëve dhe organizatave ndërkombëtare në Kosovë, të cilat fokusojnë punën e tyre në fushën e tregtisë. Së këndejmi, integrimi i tregut në Ballkanin Perëndimor dhe rritja e bashkëpunimit tregtar me vendet e tjera evropiane përbën një premisë të rëndësishme për rritjen e tregtisë dhe zhvillimin ekonomik të rajonit. Deri tani, vendet e Ballkanit Perëndimor kanë marrë masa të konsiderueshme për të zgjeruar tregjet e tregtisë së lirë. Liberalizimi i tregtisë asimetrike drejt BE-së nuk ka ndihmuar në forcimin e pozitës së Ballkanit Perëndimor në tregun e BE-së. Aktualisht, Ballkani Perëndimor, e veçmas eksportuesit janë të përqendruar në tregjet e Bashkimit Evropian dhe vendeve të CEFTA-s. Integrimi rajonal i tregtisë së Ballkanit Perëndimor dhe bashkëpunimi tregtar me vendet evropiane është një parakusht i rëndë-sishëm për rritjen e flukseve rajonale të tregtisë dhe të zhvillimit ekonomik në rajon. Në vitet e fundit, vendet e Ballkanit Perëndimor kanë marrë masa të rëndësishme për liberalizimin tregut. Prandaj, në këtë aspekt, themi se liberalizimi asimetrik tregtar nuk e ka ndihmuar përmirësimin e pozicionit të Ballkanit Perëndimor në tregun evropian