Libri “International Monetary System From Gold To Digital Currency” trajton zhvillimin e sistemit monetar ndërkombëtar nga standardi i arit dhe paratë letër, deri te paratë elektronike, kriptovalutat dhe monedhat digjitale të bankave qendrore (CBDC). Autori analizon konceptet kryesore të parasë ndërkombëtare, ndryshimin e formave të saj dhe ndikimin e teknologjive të reja në mënyrën si funksionon sistemi monetar sot. Një pjesë e rëndësishme i kushtohet stablecoins, kriptovalutave dhe debatit nëse monedhat digjitale mund të zëvendësojnë sistemin aktual monetar dhe valutor. Libri është veçanërisht i dobishëm për akademikë, studentë të ekonomisë e financave, si dhe profesionistë të tregjeve financiare që duan të kuptojnë drejtimin e këtyre transformimeve globale. Ai u përgjigjet pyetjeve kryesore rreth stabilitetit të sistemit monetar në kushtet e globalizimit dhe të ardhmes së valutave digjitale.