Llampa Philips LED Bulb A95 me bazë E27 është zgjidhje e fuqishme ndriçimi për ambiente ku kërkohet dritë shumë e fortë dhe e qartë, duke ofruar ekuivalentin e rreth 200W me vetëm 23W konsum energjie. Me temperaturë ngjyre 6500K, jep dritë “cool daylight”, të bardhë të ftohtë, të përshtatshme për zyra, punëtori, magazina apo hapësira ku nevojitet fokus dhe dukshmëri e lartë. Fluksi i lartë prej 3452 lumenësh siguron ndriçim të barabartë në dhoma më të mëdha, ndërsa efikasiteti i lartë energjetik ndihmon në uljen e faturave të rrymës. Llampa është e projektuar për jetëgjatësi të lartë deri në 15 000 orë dhe përballon mijëra cikle ndezje/fikje, duke qenë e përshtatshme për përdorim të përditshëm. Është zgjedhje praktike për zëvendësimin e llampave tradicionale me konsum të madh, me instalim të lehtë në çdo opingë standarde E27.