Një lojë argëtuese dhe edukative e krijuar për të ndihmuar fëmijët në fazat e para të leximit. Ajo fokusohet në fjalët me 3 shkronja, duke ndihmuar fëmijën të zhvillojë aftësitë e tij në lexim në një mënyrë argëtuese dhe të natyrshme. Loja gjithashtu përmirëson kujtesën dhe vëmendjen, pasi kërkon që fëmija të mbajë mend vendndodhjen e ilustrimeve dhe fjalëve të zbuluara për një moment.

Fëmija mëson duke luajtur: fitues bëhet ai që arrin të kujtojë më mirë çiftet e fjalëve dhe imazheve nga pllakat që qëndrojnë të kthyer me anën e pasme lart. Loja përmban 40 pllaka të ilustruara dhe udhëzimet për përdorim. Falë këtij kombinimi të thjeshtë por efektiv, loja ofron jo vetëm mësim të shpejtë në lexim, por edhe shumë kënaqësi gjatë gjithë procesit.