Legjenda e mbretit Lir dihej më parë se ta punonteShekspiri në dramë; lindi në Britaninë e lashtë para fillimittë invazionit anglosakson e ndoshta para pushtimit tëBritanisë prej romakëve. Kjo sagë (gojëdhënë) e keltëve britanikë u shkrua në gjuhën latine në shekullin XII. Burimi i parë është “Historia Britonum’’ nga Godfredi iMonmouthit. Edhe në “Gesta Romanorum” ka një tregimpër tri bijat e mbretit Theodhos të Bizantit. Prej Godfreditlegjenda hyri në historinë e Britanisë. Gjatë shekullit XVI,ngjarja u ritregua në vargje dhe në prozë. Kemi edhe një përpunim dramatik të kësaj legjende, “Kronika e vërtetë embretit Lir”, që u dha për shtyp më 1594 dhe u luajt në skenën e Londrës, por e cila nuk ushtroi asnjë influencë në letërsinë e kohës. Shekspiri e shkroi dramën rreth viteve1603-1606. Burimi prej të cilit e mori Shekspiri temën, ka qenë“Historia e Holinshedit”, një përmbledhje e kronikave të vjetra të Anglisë, të Skotlandës e të Irlandës. Ndryshimi kryesor midis veprës së Shekspirit me origjinalin është fundi tragjik në dramën. Sipas historisë, Liri del fitimtar në luftë, e ripushton mbretërinë, të cilën, më në fund, e trashëgon Kordelja; që të dy, babë e bijë, pajtohen me realitetin e bëhen një me të.