Zyxel WAX655E është access point profesional Wi‑Fi 6 i dizajnuar për ambiente të jashtme si stadiume, parkingje apo hapsira të mëdha publike, ku kërkohet mbulim i fuqishëm pa tela. Ai ofron shpejtësi shumë të larta deri në rreth 5.4 Gbps dhe port PoE 2.5 Gbps, duke mundësuar lidhje të qëndrueshme për shumë përdorues njëkohësisht. Kasa e fortë me mbrojtje deri në IP67 dhe rezistenca ndaj temperaturave ekstreme e bëjnë të përshtatshëm për instalime të përhershme në çdo mot. Mbrojtja e integruar ndaj goditjeve nga rrufeja dhe ngritjeve të tensionit ruan pajisjen dhe investimin tuaj në infrastrukturë. Me NebulaFlex Pro, pajisja mund të menaxhohet lehtë në cloud, përmes kontrolluesit apo si njësi e pavarur, duke ofruar fleksibilitet të plotë për rrjetet profesionale.