Tableti Zebra ET51 është zgjidhje profesionale për bizneset që kërkojnë pajisje të qëndrueshme, por me pamje moderne si tabletët konsumatorë. Me ekran 10.1” me ndriçim të lartë dhe xham Corning Gorilla, ai lexohet lehtë edhe në dritë të fortë dhe është i mbrojtur nga goditjet e gërvishtjet. Trupi i fortë dhe korniza mbrojtëse e bëjnë të përshtatshëm për përdorim të përditshëm në magazina, terren apo dyqan, duke përballuar rënie, pluhur e lagështi. Procesori Intel Atom, 4 GB RAM dhe 32 GB memorie ofrojnë performancë të qëndrueshme për aplikacione biznesi, ndërsa Wi‑Fi 5 dhe Bluetooth 5 sigurojnë lidhje të shpejtë me rrjetin dhe pajisjet tjera. Falë sistemit Android dhe skanerit të integruar 1D/2D, ET51 është ideal për skanim barkodesh, menaxhim stoku, porosi dhe aplikacione të tjera logjistike.