Periudha mes të 20-ve dhe 30-ve mund të jetë një kohë e vështirë tranzicioni: mbulesa e sigurisë nga prindërit nuk ekziston më dhe është koha kur duhet të merren vendime të rëndësishme sa i përket karrierës, investimeve, madje mund të jetë edhe për një vendosje të identitetit të të rriturit. Kur autorja Christine Hassler përjetoi këtë periudhë krize zbuloi se nuk ishte e vetmja. Në fakt, një brez i tërë grash të reja vënë në pikëpyetje zgjedhjet e tyre, të pasigurta nëse ajo për të cilën kanë investuar është ajo që dëshirojnë në të vërtetë. Ato janë të etura për t’i dhënë një drejtim tjetër jetës së tyre, edhe nëse kjo do të thotë të heqin dorë nga ato që kanë fituar. Vetë Hassler hoqi dorë nga një karrierë në zhvillim e sipër, por që nuk ishte ajo që dëshironte, dhe ndërmori rrezikun për të nisur biznesin e saj. Tani, bazuar në eksperiencën e saj dhe intervistat e realizuara me qindra gra, ajo ndan mendime mbi çështje karriere dhe marrëdhëniesh.