Roberto Cavalli kujdeset që femrat të ndjehen gjithmonë të freskëta dhe si i tillë ka sjellë në treg parfumin e ashtuquajtur Paradiso Azzuro i cili është frymëzuar nga dielli dhe ujërat e pastra azure. Ky produkt është përpunuar nga agrumi, bergamoti, livanda, jasmine, selvi dhe druri i kashmirit, ku bashkëpunimi efikas i këtyre përbërësve bën që aroma e parfumit të jetë jashtëzakonisht e këndshme dhe e pa rezistueshme.

Parfum: Njihet gjithashtu si “Extrait de Parfum” (që i referohet Parfumit të vërtetë), ky lloj përmban në vete koncentrim më të madh të ekstraktit (rreth 15% deri në 40% aromë) dhe që zgjat prej 6 deri në 8 orë. Në përgjithësi, për shkak të koncentrimit më të madh të aromës, ato kanë edhe çmimin më të lartë se sa llojet e parfumave të tjerë.

Eau de Parfum (EDP): Ky lloj është i dyti për nga koncentrimi i ekstraktit (rreth 15% deri në 20%) dhe që zgjat prej 4 deri në 5 orë. Në përgjithësi janë më të lirë se sa “Parfumat” dhe për shkak të përmbajtjes më të madhe të alkoolit është shumë i përshtatshëm për përdorim të përditshëm.

Eau de Toilette (EDT): Është një ndër llojet më të kërkuara. Ky lloj ka koncentrim të ekstraktit prej 5% deri në 15% dhe zgjat 2-3 orë. Konsiderohen si më të lehtë/butë, për këtë arsye përdoren më shumë ditën krahasuar me “Parfumat” që përdoren më shumë natën.

Eau de Cologne (EDC): Në përgjithësi ka koncentrim të ekstraktit më të ulët (rreth 2% deri në 4%). Është më i lirë dhe aroma zgjat deri në 2 orë. Zakonisht vijnë në shishe më të mëdha për shkak që përdoret më shpesh. Aromat e zakonshme për kolonja zakonisht janë me fruta, me lule, me agrume ose drunjore.

Eau Faiche: Ky lloj ka koncetrimin më të ulët të ekstraktit (rreth 1% deri në 3%). Aroma është e ngjashme me atë të Eau de Cologne dhe zgjat deri në 2 orë. Ky lloj ka koncentrim të aromës dhe alkoolit të ulët dhe është i holluar me ujë. Edhe pse aroma nuk zgjat shumë në lëkurë, është shumë i kërkuar për shkak të çmimit të konvenueshëm.