Për secilën sëmundje, pos vdekjes, ka shërim. Tendenca për të vërtetuar këtë qëndrim shkencor e shëndetësor varet nga mënyra e kombinimit të luleve e të barishteve. Vizita në livadhin a në malin e duhur të lulëzuar, është çelësi i suksesit për të nxjerrë ajkën shëruese për ankesën njerëzore. Brenga qëndron në punën investigative për të gjetur barishten e duhur, për sëmundjen e rënë në dyer të hallexhinjve. E pashërueshmja deri më tani, shërohet kur investohet në hulumtim, në provë e në besueshmëri te njerëzit e duhur e me përvojë. Sigurisht, ndonjëri të fundit, tashmë, e ka gjetur edhe kurën bashkë me lulen. Të njëjtën, me shumë dëshirë nuk e mbajnë në sirtar, e as s'do ta kishin ndër mend ta bënin një veprim të tillë. Por, mosdhënia e hapësirës dhe moskontaktimi i tyre nga personat kompetentë institucionalë, zbulesa e tyre, mund të jetë e dobishme vetëm për një rreth tërësisht të ngushtë fisnor.