As meshkujt nuk e dinë përgjigjen. Gjithmonë nëse ka një të tillë. Dhe pikërisht përgjigjen e kësaj pyetjeje nuk duhet ta prisni nga ky libër. Aq më tepër të ktheni një libër në një manual që do të zgjidhë problemet tuaja në çift. Kur postuam një copëz të librit ” Përse meshkujt dashurojnë kuçkat”, pak ditë më vonë në inbox-in e e-mail-it më erdhi ky mesazh : ” Shkova sot në librari por nuk kishte. I kam kapur të dashurit një sms në telefon dhe dyshoj se më tradhëton. Të lutem më thuaj çfarë shkruhet në libër për këto situata sepse jam shumë keq. Nuk di si të sillem”.Sjellja në një marrëdhënie nuk mësohet siç mësohen rregullat e qëndrimit në tavolinë, apo siç mësohen gjuhët e huaja. Nëse edhe ju kërkoni të shndërroheni në “kuçkë” për të bërë për vete mashkullin tuaj, ky libër nuk do t’ju ndihmojë. Më duhet ta bëja këtë shpjegim – sigurisht e ndikuar pas e-maili-it që ju citova më lart- por edhe për faktin se duhet t’i lexoni librat edhe jashtë realitetit tuaj dhe jo t’i shikoni si manuale që ju udhëheqin gjatë të përditshmes tuaj. Sigurisht që ky libër ka disa gjëra të vërteta, POR JO ABSOLUTE. Le t’i kthehemi librit. Unë jam zbavitur shumë, sepse le ta pranojmë që një titull i tillë është shumë ngacmues për të qëndruar në raftet e librarive :).