A.D

Djaloshi 16 vjeçar, i cili ka qenë fëmijë joverbal deri në moshën 7 vjeç e gjysëm, e deri në atë moshë të komunikuarit me fjalë e ka pasur të zhvilluar nga dëshira e theksuar për vështrim të fotografive. Që në muajin e parë në ANAK, ai ka filluar të thotë fjalë të cilat kanë eksploduar me bashkëpunimin e jashtëzakonshëm të nënës së tij matematiciente. 

Ai gjithmonë e gjen rehatinë duke ngjyrosur, ku përveç ngjyrave, ai shpreh pasionet e tij në rënditje të objekteve dhe fotografive, në pastrim të shtëpisë, apo në rënditjen e objekteve të ndryshme brenda ambienteve të parregullta. 

A ka qenë dhe vazhdon të shfaq pasionin e tij nëpërmes stereotipeve vokale të cilat i bën në formë të tenorëve të operave, si dhe pasionin e tij për të pikturuar, me ç'rast ai ka marrë pjesë në shumë evente të organizuara nga ANAK, ku bashkë me pikturat abstrakte dhe kombinimet e ngjyrave ka mahnitur të tjerët me artin e tij. Për më shumë, nëse sheh fotografi të renditura, ai është në gjendje që pas një skenimi me shikimin e tij, të replikoj pa ndihmë të njejtën renditje deri me 24 fotografi të ndryshme.

Përmes aftësive të arritura në fusha të ndryshme të zhvillimit që kanë dërguar deri në pavarsimin e tij në shumë aspekte të jetës, ai është një ndër shembujt më të mirë të thyerjes së kufijve të autizmit të perceptuar nga shoqëria.