E.P - Mund të jetë e ndërlikuar lidhja e lidhësave të këpucëve, por e ka fare të lehtë të bëjë mrekulli me gishtat e tij mbi tastet e pianos, duke luajtur vepra të jashtëzakonshme të Mozartit, Schubertit e Avni Mulës.
Ndjekja e rutinës është e rëndësishme dhe çdo ndryshim i papritur mund të jetë shqetësues e tensionues. Gjithçka në vendin e kohën e duhur. Me pasion të theksuar ndjek ndeshjet e sportit, e pastaj i komenton me shumë ëndje, prej futbollit ndërkombëtar e deri te ndeshjet e vëllaut në vojeboll. Nuk e ka fare problem t’i mbaj mend datat e rëndësishme historike, e me shumë qejf mban mend edhe ditëlindjet e miqve e familjarëve. Për më shumë, ai mund të gjen saktë çfarë dite ka qenë ndonjë datë e zakonshme, apo ka pasur faza kur e ka qëlluar saktë orën pa e shikuar askund. Megjithatë ai interesimet e tij në nivel dhuntie, mund ti mos vazhdojë, duke vazhduar kështu të befasojë me interesime tjera.  
Dhe pas çdo përgjigje korrekte, detyre të përfunduar e ka tejet të rëndësishme reagimin emocional të të tjerëve, si dhe pas pikës së të luajtur në piano i ka jetike duartrokitjet e të pranishmëve.