O.M – 7 vjeçari me sy bojë qielli e flokë të bardha, pëlqen shumë kafshët, numrat dhe format gjeometrike. Me sensorikë të zhvilluar O. ka vështirësi në komunikim dhe të mbajë vëmendjen në detyrën e caktuar, mirëpo detyrat me laps i ka shumë për qejf dhe u kushton vëmendje të theksuar.

Duket se e shijon shumë qëndrimin afër dritares së dhomës, duke shikuar fëmijët tek luajnë në këndin e lojrave në oborrin e banesës. Kërcet dhëmbët, e duket sikur proteston ndaj të tjerëve që shpeshherë nuk arrijnë ta kuptojnë. Ai po punon vazhdimisht bashkë me terapistin që të stimuloj të folurit dhe zhvendosjes së sjelljeve sensorike në sjellje funksionale.