Pse disa njerëz na bëjnë të vuajmë shumë, ndërsa të tjerë na ngjallin besim në mënyrë instinktive? Pse ka njerëz që priren të kenë marrëdhënie të ndërlikuara e të dhimbshme? Cila është biokimia e dashurisë? Si mund të godasim në shenjë, kur zgjedhim njeriun e jetës? Si qenie njerëzore jemi konceptuar për të jetuar në familje e në shoqëri, për t’u lidhur, për të pasur një mënyrë sjelljeje dhe për t’u dashur me njëri-tjetrin. Lumturia jonë, në një masë të madhe, varet nga aftësia që kemi për të shkuar mirë me ata që na rrethojnë. Sot, janë të shumtë ata që bartin plagë emocionale, të cilat i pengojnë të lidhen në mënyrë të shëndetshme me mjedisin që i rrethon. Si të gjesh personin vitaminë do të të ndihmojë që të kuptosh lidhjen me prindërit, me fëmijët, me njeriun e jetës, me miqtë dhe shokët e punës dhe, në të njëjtën kohë, të kuptosh historinë tënde emocionale. Sepse, kur njeh veten, ndihesh i lehtësuar.